Қазақстанға Кения президенті мемлекеттік сапармен келді

Президент Қасым-Жомарт Тоқаевтың шақыруымен Кения Республикасының Президенті Уильям Руто Қазақстанға мемлекеттік сапармен келді, деп хабарлайды Tengrinews.kz тілшісі Ақорда баспасөз қызметіне сілтеме жасап.

"Ертең жоғары деңгейдегі келіссөздер барысында екі елдің сауда-экономикалық және мәдени-гуманитарлық ынтымақтастығын дамыту перспективасы талқыланады", - делінген хабарламада.

Сонымен қатар бірқатар құжатқа қол қойылады деп жоспарланып отыр.

Фото: СІМ баспасөз қызметі

Елорда әуежайында Кения басшысын Сыртқы істер министрі Ермек Көшербаев қарсы алды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!