+7 (777) 001 44 99
Қазақша
Русский
English
17 ақпан 2020 | 08:57
Коронавирустан қаза тапқандардың саны 1775-ке жетті
17 ақпандағы таңғы жағдай бойынша бүкіл әлем бойынша коронавирустың жаңа түрін жұқтырғандардың жалпы саны 71 326 адамнан асты, құрбандар саны - 1775 адам. Тағы 10 610 науқас ауруханадан шығарылды. Бұл туралы Қытайдың Денсаулық сақтау органдарына сілтеме жасап South China Morning Post хабарлайды.
ПОДЕЛИТЬСЯ
17 ақпандағы таңғы жағдай бойынша бүкіл әлем бойынша коронавирустың жаңа түрін жұқтырғандардың жалпы саны 71 326 адамнан асты, құрбандар саны - 1775 адам. Тағы 10 610 науқас ауруханадан шығарылды. Бұл туралы Қытайдың Денсаулық сақтау органдарына сілтеме жасап South China Morning Post хабарлайды.
Өлімнің басым көпшілігі және жұқтырудың расталған жаңа жағдайлары Қытай аумағында, атап айтқанда инфекция ошағы орналасқан Хубей провинциясында тіркелген.
Дүниежүзілік денсаулық сақтау ұйымының (ДДСҰ) бас директоры Тедрос Гебрейесус "бұл індеттің қай бағытта дамитынын болжау мүмкін емес" деп мәлімдеді.
"Қытай біз үшін біраз уақыт берді, бірақ біз қанша екенін білмейміз. Ең бастысы, бұл вирус Денсаулық сақтау жүйесі әлсіз елдерде қалай дамитынына алаңдаймыз", - деді ол.
Сонымен қатар, коронавирусты Жапонияның жағалауларында орналасқан Diamond Princess круиз кемесінде 40-тан астам америкалықтың жұқтырғаны белгілі болды. Бұл туралы CBS News телеарнасының эфирінде ұлттық аллергиялық және жұқпалы аурулар институтының директоры Энтони Фаучи мәлімдеді.
Жексенбіде, 16 ақпанда, Мемлекеттік департамент қызметкерлері америкалықтарды Diamond Princess бортынан эвакуациялай бастады. Зарарланған америкалықтар ешқайда бармайды. Олар Жапониядағы ауруханаларға жеткізіледі екен.
"Белгілері анықталған адамдар эвакуация жүргізетін ұшаққа кіре алмайды. Басқаларды АҚШ-тағы ӘӘК базаларына дереу көшіріледі", - деп мәлімдеді Фаучи.
Diamond Princess круиз лайнері. © Reuters
2019-nCoV коронавирусынан (ресми атауы - COVID-19) пайда болған белгісіз пневмонияның өршуі туралы Қытай билігі 2019 жылдың 31 желтоқсанында жариялады. Коронавирус ошағы Ухан қаласында (Хубей провинциясы) орналасқан. Ауру тез таралады. ДДСҰ бұл індетті халықаралық маңызы бар төтенше жағдай деп таныды. Бірқатар сарапшы вирус әлем халқының үштен екісіне жұғуы мүмкін деп болжап отыр.
Показать комментарии
Читайте также
