Оралда базарда газ баллоны жарылды: 10 адам зардап шекті

Орал қаласында "Ел ырысы" базарында газ баллоны жарылды, - деп хабарлайды Tengrinews.kz тілшісі БҚО ТЖ департаментінің баспасөз қызметіне сілтеме жасап.

Оқиға 16 маусым күні сағат 10.00-ден кете мал союға арналған орында болды.

"Алдын ала мәлімет бойынша барлығы 10 адам зардап шексе, соның екеуі - кәмелетке толмағандар. Екі адам дәрігерлер қарағаннан кейін үйлеріне жіберілді. Газ баллонын дұрыс қолданбау осындай оқыс оқиғаларға жиі соқтыруда. ТЖ департаментінің қызметкерлері мұның алдында қауіпсіздік бойынша рейд те жүргізген", - делінген хабарламада.

Қазіргі кезде оқиғаның жай-жапсары мен себеп-салдары анықталу үстінде.

Сілтемесіз жаңалық оқисыз ба? Онда Telegram желісінде парақшамызға тіркеліңіз!