+7 (777) 001 44 99
Қазақша
Русский
English
06 қазан 2024 | 12:17
Референдумнан кейін қазіргі үкімет құрамы ауыса ма? Президент жауабы
Мемлекет басшысы Қасым-Жомарт Тоқаев АЭС референдумынан кейін Үкімет құрамының ауысуы мүмкін бе деген сұраққа жауап берді, - деп хабарлайды Tengrinews.kz тілшісі.
ПОДЕЛИТЬСЯ
Мемлекет басшысы Қасым-Жомарт Тоқаев АЭС референдумынан кейін Үкімет құрамының ауысуы мүмкін бе деген сұраққа жауап берді, - деп хабарлайды Tengrinews.kz тілшісі.
Президенттің айтуынша, жаңа үкіметтің жұмысына тек жеті ай ғана болғандықтан, олардың жұмыс нәтижелерін толық көрсетуі үшін уақыт қажет.
"Менің ойымша, үкімет белсенді жұмыс атқарып жатыр. Мемлекет басшысы ретінде мен берген тапсырмаларды жүзеге асыруда. Біздің жұмыс кестеміз өте тығыз, БАҚ арқылы елде атқарылып жатқан жұмыстар туралы хабардар болып отырамын. Сонымен қатар министрлердің және үкімет басшыларының жұмысына қатысты кемшіліктерін айтып отырамын. Жеті ай – аз уақыт. Қазіргі үкімет құрамы өздерінің нақты жұмыстарын көрсетуі керек. Басты міндет – еліміздің экономикалық өсу көздерін іздеу", – деп мәлімдеді Тоқаев.
Мемлекет басшысы үкіметтің басты мақсаты – елдің экономикалық дамуының жаңа көздерін табу екенін атап өтті. Бұл міндет орындалмайынша, құрамның ауыстырылуы туралы сөз қозғау ертерек.
Айта кетейік, қазіргі үкімет құрамы 2023 жылдың 30 наурызында Президенттің жарлығымен қайта сайланған болатын. Жаңа құрамда 20 министр қызмет етуде, оның ішінде кейбір министрлер өз қызметтерін жалғастырса, бірқатары жаңадан тағайындалды.
Еске салайық, 2 қыркүйекте Президент Қасым-Жомарт Тоқаев Қазақстанда атом электр станциясының құрылысын салу мәселесі бойынша референдум өткізу туралы Жарлыққа қол қойды. Қазақстан АЭС-ке қатысты референдумды өткізуге 15,5 миллиард теңге жұмсайтыны хабарланды.
Кейінірек Орталық сайлау комиссиясының төрағасы Нұрлан Әбдіров Қазақстанда АЭС салу бойынша өтетін референдумда бір ғана сұрақ қарастырылатынын айтты.
АЭС салу референдумы қалай өтеді?
Сондай-ақ Қазақстанда АЭС салуды қолдау жөніндегі халықтық штаб құрылды.
АЭС бойынша референдум: бюллетеньде не жазылады?
Өңірлердің АЭС құрылысы бойынша референдумға дайындығы қандай?
Энергетика министрлігі өкілі Massaget.kz-ке берген сұхбатында Қазақстан АЭС құрылысын жүргізетін елге тәуелді болмайтынын мәлімдеді.
Дауыс беретін учаскені анықтауға арналған нұсқаулықпен мына жерден таныса аласыздар.
Айта кетейік, Қазақстан заңнамасына сәйкес, референдум – маңызды мәселелер бойынша жалпыхалықтық дауыс беру. Оны "Республикалық референдум туралы" Конституциялық заң реттейді, ал ұйымдастырумен арнайы құрылған комиссия айналысады.
Референдум бойынша дауыс беру бүгін, 6 қазанда сайлау учаскелерінде сағат 07:00-ден 20:00-ге дейін өтеді. Бұл ретте 80-нен аса учаске өз жұмысын 06:00-де бастады. Республика бойынша дауыс беруге арналған 10 000-нан аса учаске бар. Шетелде Сеул мен Токиода учаскелер бірінші ашылды.
Жергілікті атқарушы органдар республика бойынша дауыс берушілердің тізіміне 12 миллион 244 мың 683 азаматты енгізді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
