+7 (777) 001 44 99
Қазақша
Русский
English
28 сәуір 2023 | 19:08
Шымкентте биыл 253 көше орташа жөндеуден өтеді
Биыл Шымкентте жалпы ұзындығы 201,7 шақырым болатын 253 көше орташа жөндеуден өтеді. Олардың 21-і - магистралды көшелер, - деп хабарлайды Tengrinews.kz тілшісі.
ПОДЕЛИТЬСЯ
Биыл Шымкентте жалпы ұзындығы 201,7 шақырым болатын 253 көше орташа жөндеуден өтеді. Олардың 21-і - магистралды көшелер, - деп хабарлайды Tengrinews.kz тілшісі.
Сонымен қатар жыл соңына дейін 140,6 шақырым жолда құрылыс және қайта құру жұмыстары жүргізіледі. Осылайша, қаладағы жақсы және қанағаттанарлық жағдайдағы жолдардың үлесін 71,2 пайызға жеткізу жоспарланады.
Қаладағы көлік кептелісін азайту мақсатында ірі құрылыс жобалары жүзеге асырылуда. Биыл Д.Қонаев даңғылы жалғасының 2-ші және 5-ші кезеңдері, А-2 айналма жолының 2-ші және 4-ші кезеңдері, Өтегенов көшесінің жалғасы, Адырбеков көшесін қайта құру және Бәйдібек би-Арғынбеков көшелері қиылысындағы жолайрық құрылысы аяқталады.
Жалпы, бүгінде мегаполис аумағына кіретін жолдардың ұзындығы - 3 247,6 шақырым. Оның ішінде 2 066,1 шақырымы асфальттелген, қалғаны шағал тас төселген жолдар.
Қаланың кешенді даму жоспарына сәйкес, 2023-2025 жылдар аралығында 441,2 шақырымды құрайтын 466 көшеге асфальт төсеу жұмыстары жүргізіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Шымкент қаласының ІСБ ұсынған материал
Показать комментарии
Читайте также
