+7 (777) 001 44 99
Қазақша
Русский
English
26 сәуір 2023 | 19:40
Шымкентте жаңа үш өнеркәсіп алаңы ашылып, тағы екеуінің ауқымы кеңейді
Шымкентте өнеркәсіпті дамыту және халықты тұрақты жұмыспен қамту мақсатында жаңадан үш өнеркәсіп алаңы құрылып, тағы екеуінің аумағы кеңейтіледі.
ПОДЕЛИТЬСЯ
Шымкентте өнеркәсіпті дамыту және халықты тұрақты жұмыспен қамту мақсатында жаңадан үш өнеркәсіп алаңы құрылып, тағы екеуінің аумағы кеңейтіледі.
Бұл туралы Әл-Фараби ауданының халқымен кездесіп, есеп берген Шымкент әкімі Мұрат Әйтенов мәлімдеді.
"Қалаға көптеп инвестиция тарту, сол арқылы өнеркәсіп саласын одан әрі дамытып, халықты тұрақты жұмыспен қамтамасыз ету үшін жаңадан үш индустриалды аймақ ашып, екі аймақты кеңейтуді көздеп отырмыз. Атап айтқанда, биыл "Жұлдыз" және "Бозарық" индустриалды аймақтарының инфрақұрылым желілерінің құрылысы аяқталады. Бұл аймақтарда 2024 жылы алғашқы кәсіпорындар ашылады. Оған қоса биыл "Іскер қала" бағдарламасы арқылы жұмыс істейтін "Стандарт" индустриалды аймағы өз жұмысын бастайды. Алдағы уақытта "Оңтүстік" арнайы экономикалық аймағы мен Шымкент көлік-логистикалық орталығының аумағын кеңейтуді көздеп отырмыз", – деді қала әкімі Мұрат Әйтенов.
Оның айтуынша, қолданыстағы бес өндірістік алаңда 80 100-ден астам жұмыс орны құрылған. Ал жаңа индустриал аймақтарда да 8 мыңнан астам жұмыспен құрылады деген жоспар бар.
"Мемлекет басшысы халықты жұмыспен қамту мәселесіне ерекше назар аудару жөнінде тапсырма берді. Осы орайда, Шымкентте 2022 жылы 65 799 адам жұмыспен қамту шараларына қатысты. Соның ішінде 7 мыңға жуығы уақытша жұмыс орындарына жолданса, 18 азамат кәсіптік қайта даярлау курстарында оқып шықты. Сондай-ақ, 40 мыңнан астам азамат тұрақты жұмысқа орналасты. Халықты тұрақты жұмыспен қамтуға шағын және орта кәсіпкерлік пен өнеркәсіп салалары ерекше ықпалын тигізіп жатыр", – деді Мұрат Әйтенов.
Қала әкімінің айтуынша, атқарылған жұмыстардың нәтижесінде 2021 жылы Шымкентте атаулы әлеуметтік көмек алатындардың саны 51 мыңнан асса, 1 жылдың ішінде бұл көрсеткіш 16 мың адамға дейін қысқарған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Шымкент қаласының ІСБ ұсынған материал
Показать комментарии
Читайте также
