Шымкентте жоғалып кеткен 26 жастағы қыздың денесі қоқыс контейнерінен табылды

Шымкентте екі апта бұрын жоғалып кеткен 26 жастағы қыз өлі табылды. Қаралы хабарды LIDER.KZ еріктілері Instagram-парақшасында жеткізді, - деп хабарлайды Tengrinews.kz тілшісі.

Еріктілер мәліметінше, 1999 жылы туған Оңғарбаева Дияна Тастанбекқызы 21 шілдеде Нұрсат шағынауданындағы үйінен шығып, белгісіз бағытқа кеткеннен кейін жоғалып кеткен.

Оның бойы 155-160 сантиметр, көзі қоңыр, шашы қоңыр әрі ұзын.

Үстінде ақ футболка мен ақ шалбар болған.

Полицияның мәліметінше, қыздың денесі қоқыс контейнерінен табылған. Қалған ақпараттар әзірге жарияланған жоқ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!