Сорбұлақта жоғалған тікұшақ: екінші адамның денесі табылды

Қорғаныс министрлігі EC-145 тікұшағы құлаған аймақта іздестіру-құтқару іс-шаралары барысында екінші адамның денесі табылып, судан шығарылғанын мәлімдеді, - деп хабарлайды Tengrinews.kz тілшісі.

Қазір құзыретті органдардың қатысуымен анықтау рәсімі жүргізіліп жатыр.

Қорғаныс министрлігі, ТЖМ, ІІМ және басқа да ведомстволардың барлық қажетті күш-құралын жұмылып, іздеу жұмыстары тәулік бойы жүріп жатыр.

Еске салайық, 25 шілдеде Алматы облысында EC-145 әскери тікұшағы радардан жоғалып кетті. 26 шілдеде тікұшақтың сынықтары Сорбұлақ көлінен табылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!