Түркістандық полицейлер көліктің жүксалғышынан 160 келі балық тәркіледі

Түркістандық полицейлер заңсыз ауланған 160 келі балық тәркіледі, - деп хабарлайды Tengrinews.kz тілшісі polisia.kz-ке сілтеме жасап.

Полицейлер Шардара су қоймасының Аққұм учаскелік аумағында күмән туғызған Volkswagen Passat автокөлігін тоқтатқан. Жүргізушінің құжаттарын тексерген. Көліктің жүк салғышынан заңсыз ауланған 3 қап балық табылды.

Күдіктіден 1 үрмелі қайық, балық аулауға арналған құралдар мен жалпы салмағы 160 келі түрлі балық тәркіленді.

ҚР Қылмыстық кодексінің 335-бабымен сотқа дейінгі тергеп-тексеру амалдары басталды. Табиғатқа залал келтірген тұрғын полицияға жеткізілді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!