Адамзаттың жарты бөлігі соңғы 5 жылда триллион долларға кедейлене түсті

Жер бетіндегі адамзаттың кедей бөлігіне тиесілі қаражат 2010 жылдан бері триллион долларға қысқарды. Бұл туралы кедейлікке қарсы Oxfam коммерциялық емес ұйымының баяндамаcында айтылды, - деп хабарлайды РИА Новости. Айта кетейік, әлемде 3,6 миллиард кедей адам бар.

Oxfam мәліметінше, дәл осындай сомадағы қаражатқа әлемнің ең бай 62 адамы ие екен. Олардың байлығы 5 жыл ішінде 1,76 триллион долларға өскен. 2010 жылы әлемдегі кедей адамдарға тиесілі соманы әлемнің 388 бай адамы иеленіпті.

Коммерциялық емес ұйымның мәліметінше, бай және кедей адамдардың арасындағы ауқаттылық айырмасының өсуіне салық жеңілдіктері, жұмысшыларға берілетін қаржылай сыйлықтың қысқаруы, ең аз және ең көп төленетін жалақы мөлшері айырмасының өсуі себеп болып отыр.