+7 (777) 001 44 99
Қазақша
Русский
English
25 маусым 2019 | 15:18
Astana Hub ашылғалы АT-стартаптарға 29 миллиард теңге инвестиция тартылған
ҚР премьер-министрі Асқар Маминнің төрағалығымен өткен Үкімет отырысында ақпараттық технологиялар саласындағы инновациялық экожүйені дамыту мәселелері туралы цифрлық даму, инновациялар және аэроғарыш өнеркәсібі министрі Асқар Жұмағалиев баяндады, - деп хабарлайды Тengrinews.kz тілшісі Үкімет баспасөз қызметіне сілтеме жасап.
ПОДЕЛИТЬСЯ
ҚР премьер-министрі Асқар Маминнің төрағалығымен өткен Үкімет отырысында ақпараттық технологиялар саласындағы инновациялық экожүйені дамыту мәселелері туралы цифрлық даму, инновациялар және аэроғарыш өнеркәсібі министрі Асқар Жұмағалиев баяндады, - деп хабарлайды Тengrinews.kz тілшісі Үкімет баспасөз қызметіне сілтеме жасап.
Асқар Жұмағалиев 2018 жылы Astana Hub халықаралық технопаркі ашылған сәттен бері АT-стартаптарға жалпы көлемі 29 миллиард теңгеге жуық инвестиция тартылғанын мәлімдеді.
Astana Hub технопаркіндегі жұмыс көлемінің артуы бағдарламалардың инвестициялық тартымдылығы мен жоғары қызығушылыққа ие екенін дәлелдейді. Бүгінгі күні технопарк 100 пайызға толық, 260-тан аса жоба, яғни 1000-нан аса адам инкубация және акселерация бағдарламаларынан өткен.
Стартаптарды әрі қарай зерттеу және білім беру жағынан қолдау көрсету үшін технопаркте CISCO, IBM, Huawei, Intellisense сияқты компаниялардың 16 R&D-орталық ашылды. Бұл орталықтарда кеңес беру, техникалық сараптама жүргізу, арнайы жабдықтар мен бағдарламалық қамтамасыз етулер қолжетімді. Жаңашыл қызметкерлер үшін тұрақты негізде білім беру іс-шаралары өткізіліп тұрады. Ұйымдастырылған 122 кездесуге 2500-ге жуық тыңдаушы қатысқан.
Елімізде іске асырылып жатқан инновациялық экожүйенің маңызды даму құрауышы - венчурлық қаржыландыру туралы заң. Онда венчурлық қорларды мемлекетпен бірлесіп қаржыландыру арқылы қолдау көрсету көзделген. Осы заң аясында QazAngels бизнес клубы мен жақында екі венчурлық қорды іске қосуды жоспарлап отырған QazTechVentures сияқты қолдау институтын құруға мүмкіндік берді. Бұл ретте бұл инвестициялар бүгінгі күні "Астана" халықаралық қаржы орталығының юрисдикциясында рәсімделе алады және тәуекелдік инвестициялар саласы үшін "алтын" стандарт болып табылатын ағылшын құқығы принциптерімен реттеле алады.
Цифрлық даму, инновациялар және аэроғарыш өнеркәсібі министрі бүгінгі таңда жергілікті биліктің қолдауымен еліміздің аймақтарында АТ-хабтар ашылып жатқанын айтты.
"Елордадағы экожүйенің даму динамикасын ескере отырып, біз Қазақстан өңірлеріне стартаптармен жұмыс тәжірибесін жеткізу үшін жұмыстар атқаруды жоспарлап отырмыз", - деді Асқар Жұмағалиев.
Astana Hub Халықаралық технологиялық паркінің бас директоры Джозеф Циглер Astana Hub ашылған сәттен бері start-up экожүйелер салуда белгілі бір табысқа қол жеткізілгенін атап өтті. Өткен жылы Astana Hub базасында 500-ден аса іс-шара өткізілген, оларға 20 000 адам келген еліміздегі №1 АТ-орталық болды.
Өз кезегінде, Павлодар облысының әкімі Болат Бақауов өңірлік инновациялық жүйені дамыту туралы айтып берді. Облыста АТ саладағы экожүйені құрудың қолайлы жағдайлары жасалған. С. Торайғыров атындағы Павлодар мемлекеттік университетінің Халықаралық Стартап Академиясы, Павлодар өңірлік ғылыми-технологиялық орталығы, АТ орталық және Жастар басааларын дамыту орталығының роботты техника кабинеті, С. Торайғыров атындағы Павлодар мемлекеттік университетінің АТ Hub секілді білім беру алаңдарында кәсіпкерлік негіздеріне оқыған жас стартапшылар өңірдің инновациялық белсенділігін арттыруға өз үлестерін қосып жатыр.
Показать комментарии
Читайте также
