Доллар бағамы өсіп келеді

Теңгеге қатысты доллар қымбаттап келеді. Ұлттық банк демалыс күндеріне доллардың ресми бағамын жариялады, - деп хабарлайды Tengrinews.kz тілшісі.

Қаржы реттегіштің мәліметі бойынша, 11 және 12 шілдеде бір доллар 412,55 теңге болады. 10 шілдеде ресми курс 410,7 теңгені, бейсенбі, 9 шілдеде 409,98 теңгені, сәрсенбі, 8 шілдеде 409,19 теңгені көрсеткен.

Бұған дейін сарапшылар шілде айында теңгеге қатысты шетел валютасының бағамына қандай факторлар әсер етуі мүмкін екенін айтқан. Олардың айтуынша, коронавирустың екінші толқыны мен ОПЕК+ елдерінің мұнай өндірісін қысқарту жоспарын толық орындамау және жаңа шектеулер бүкіл әлем экономикасына теріс әсер етуі мүмкін.

Қазақстан жаңалықтары. Соңғы жаңалықтар. Telegram желісінде бізге жазыл!