+7 (777) 001 44 99
Қазақша
Русский
English
04 маусым 2020 | 15:53
Карантиндегі кәсіпорындарды тексеру уақытша тоқтатылады
Қазақстанда карантиндегі кәсіпорындарды тексеру уақытша тоқтатылады, - деп хабарлайды Tengrinews.kz тілшісі Қаржы министрлігі Мемлекеттік кірістер комитетінің баспасөз қызметіне сілтеме жасап.
ПОДЕЛИТЬСЯ
Қазақстанда карантиндегі кәсіпорындарды тексеру уақытша тоқтатылады, - деп хабарлайды Tengrinews.kz тілшісі Қаржы министрлігі Мемлекеттік кірістер комитетінің баспасөз қызметіне сілтеме жасап.
Баспасөз қызметінің мәліметінше, елімізде төтенше жағдайдың аяқталуына байланыста салықтық және кедендік тексерулер жаңартылады және кәсіпкерлік субъектілерінің жұмыс жасау режиміне өзгеріс енгізіледі.
"Егер де тексерілетін кәсіпорынның қызметкері карантинге кеткен болса, онда кәсіпорынның жұмысы қайта жанданған уақытқа дейін тексеру уақытша тоқтатылады. Бұл ретте кәсіпкерлік субъектісіне құжаттарды ұсыну туралы талапнама табыс етіледі. Қазіргі таңда мемлекеттік кірістер органдарының өндірісінде 1403 салық және 382 кедендік тексеру бар", - делінген хабарламада.
Сондай-ақ, сыртқы экономикалық қызметке қатысушылармен тікелей байланысты азайту мақсатында жергілікті жерлерде кедендік тексерулердің басым бөлігі қашықтықтан жүргізіледі. Кәсіпорынға барудың қажеті жоқ. Ондай тексерулер саны 60-тан асады.
"Кәсіпкерлерді қолдау мақсатында қаржы министрлігі мемлекеттік кірістер комитеті 2020 жылдың екінші жартыжылдығына салық тексерулерінің кестесін жасаудан бас тартты. Бұл дегеніміз, 700-ге жуық тексеру жасалмайды. Тек нақты бұзушылықтар бойынша ғана жоспардан тыс тексерулер жүргізіледі", - делінген хабарламада.
Показать комментарии
Читайте также
