+7 (777) 001 44 99
Қазақша
Русский
English
19 қараша 2020 | 14:09
Қазақстанда жаңа 100 теңгелік монеталар пайда болды
Қазақстанның бірнеше өңірінде "Дала қазыналары" монеталар сериясының JETI QAZYNA монеталары айналымға түсті, - деп хабарлайды Tengrinews.kz тілшісі Ұлттық банктің баспасөз қызметіне сілтеме жасап.
ПОДЕЛИТЬСЯ
Қазақстанның бірнеше өңірінде "Дала қазыналары" монеталар сериясының JETI QAZYNA монеталары айналымға түсті, - деп хабарлайды Tengrinews.kz тілшісі Ұлттық банктің баспасөз қызметіне сілтеме жасап.
Олар қарапайым монеталармен бірге қолданылады. Номиналы 100 теңгелік жеті JETI QAZYNA монетасы: ER JIGIT, SULÝ ÁIEL, QUMAI TAZY, AQYL BILIM, BEREN MYLTYQ, JÚIRIK AT, QYRAN BÚRKIT заңды төлем құралы саналады және олар төлемдердің барлық түрі бойынша қабылдануға міндетті - олармен тауарлар мен қызметтерді төлеуге болады.
Ұлттық банктің қолма-қол ақша айналысы департаментінің директоры Жомарт Қажымұратовтың айтуынша, монеталардың параметрлері өзгеріссіз сақталған, сондықтан төлем терминалдары мен басқа да кассалық техниканы қосымша қайта жабдықтау қажет емес.
"Кәсіпкерлер монеталарды қабылдаудан бас тартса, оларға Әкімшілік құқық бұзушылық туралы кодекстің 206-бабы бойынша ескерту жасалады. Жағдай бір жылда қайталанса, 5-тен 25 АЕК-ге дейін (69 450 теңге) айыппұл қарастырылған.
Осындай шағыммен Ұлттық банктің жақын жердегі филиалына жүгіне аласыз. Өз тарапымыздан оқиғаны видеоға түсіруге немесе монетаны қабылдаудан бас тарту себебін жазып берулерін талап етуге кеңес береміз", - деп толықтырды Жомарт Қажымұратов.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
