+7 (777) 001 44 99
Қазақша
Русский
English
30 шілде 2020 | 10:15
Шілдеде 2 миллионнан аса адам 42 500 теңге алды
30 шілде сағат 9.00-дегі жағдай бойынша, 2 миллион 80 мың адамға 42 500 теңге көлеміндегі төлем тағайындалды, - деп хабарлайды Tengrinews.kz тілшісі Еңбек және халықты әлеуметтік қорғау министрлігіне сілтеме жасап.
ПОДЕЛИТЬСЯ
30 шілде сағат 9.00-дегі жағдай бойынша, 2 миллион 80 мың адамға 42 500 теңге көлеміндегі төлем тағайындалды, - деп хабарлайды Tengrinews.kz тілшісі Еңбек және халықты әлеуметтік қорғау министрлігіне сілтеме жасап.
Министрлік мәліметінше, 42 500 теңге мөлшерінде біржолғы төлем тағайындауға азаматтардан 2,3 миллионнан аса бірегей өтініш қабылданды. Төлем 2 миллион 80 мың адамға тағайындалды. Ақшалай қаражат 2 млн 58 мың қазақстандыққа аударылды.
Мемлекеттік әлеуметтік сақтандыру қорынан төлем алуға өтінімдер бірнеше арналар арқылы қабылданады. 2,3 миллионнан аса өтінімнің ішінде:
- 833,3 мың адам проактивті форматта төлем тағайындауға келісім берді;
- 578,9 мың адам Egov.kz порталы және telegram-боттар арқылы;
- 314,6 мың адам 42500.enbek.kz порталы арқылы;
- 595,8 мың адам екінші деңгейдегі банктердің мобильдік қосымшалары мен интернет-ресурстары арқылы өтініш берген.
Азаматтардың санаттары бөлінісінде:
- 833,3 мың өтініш бірыңғай жиынтық төлем төлеушілерден берілді (проактивті форматта);
- 186,5 мың өтінішті жалдамалы қызметкерлері үшін жұмыс берушілер берді;
- 1 миллион 302,8 мың өтініш азаматтардың басқа санаттарынан келіп түсті (жеке кәсіпкерлер; жеке практикамен айналысатын адамдар; азаматтық-құқықтық сипаттағы шарттар бойынша табыс алатын жеке тұлғалар).
Еске салайық, Мемлекет басшысының тапсырмасы бойынша 2020 жылдың шілде айында карантиндік шаралардың енгізілуіне байланысты жұмыс істеп жатқан қазақстандықтарға табысы толық жоғалған жағдайда бір ең төменгі жалақы - 42 500 теңге мөлшерінде біржолғы төлем жүзеге асырылатын болады.
16 шілдеден бастап БЖТ төлеушілер болып табылатын адамдар үшін sms-хабарламаларды жіберу арқылы біржолғы төлемді тағайындау бойынша проактивті қызмет көрсету жүзеге асырылып жатыр.
18 шілдеден бастап БЖТ төлеушілер egov.kz және 42500.enbek.kz порталы; telegram-bot-тар; Aitu мессенджеріндегі 42500.enbek.kz қосымшасы; екінші деңгейдегі банктердің мобильді қосымшалары мен интернет-ресурстары арқылы өтінім бере алады.
Төлемді проактивті тағайындауға келісім берген азаматтарға басқа арналар арқылы өтінім берудің қажеті жоқ, себебі sms-ке жауап автоматты түрде өтінім беріледі.
17 шілдеден бастап жеке кәсіпкерлерден; жеке практикамен айналысатын адамдардан; азаматтық-құқықтық сипаттағы шарттар бойынша табыс алатын жеке тұлғалардан өтінімдер қабылданады.
Жалақы сақталмайтын демалысқа жіберілген жалдамалы қызметкерлер үшін өтінімді тек жұмыс беруші ғана беретіндігін атап өту қажет. Жұмыс берушілерден (заңды және жеке тұлғалардан) өтініштер 19 шілдеден бастап қабылданады.
Өтініш қабылдау 2020 жылдың 1 қыркүйегіне дейін жалғасады.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
