+7 (777) 001 44 99
Қазақша
Русский
English
28 қазан 2020 | 14:23
Ұлттық банк теңгенің неге әлсірегенін түсіндірді
Ұлттық банктің монетарлық операциялар департаментінің директоры Нұржан Тұрсынханов теңгенің неге әлсірегенін түсіндірді, - деп хабарлайды Tengrinews.kz тілшісі.
ПОДЕЛИТЬСЯ
Ұлттық банктің монетарлық операциялар департаментінің директоры Нұржан Тұрсынханов теңгенің неге әлсірегенін түсіндірді, - деп хабарлайды Tengrinews.kz тілшісі.
28 қазанда таңертең бір доллар 430,20 теңгеге дейін өскен. Теңге өткен аптаның жұмасынан бастап 0,54 пайызға арзандаған.
"Біріншіден, ұлттық валютаның әлсіреуі мұнай бағасының төмендеуімен байланысты. Өткен аптаның жұмасымен салыстырғанда Brent маркалы мұнай бағасы 3 пайызға төмендеді. Бүгінде Brent маркалы мұнайдың бір баррелі 40,5 доллардан төмен деңгейде. Бағаның төмендеуі АҚШ, Франция, Ресей сынды елдерде CОVID-19 жұқтырғандар санының артуымен және сұраныстың төмендеу қаупін тудыруы мүмкін", - дейді Тұрсынханов.
Оның айтуынша, Ливия ұлттық мұнай корпорациясының мұнай өндіру деңгейін тәулігіне миллион баррельге дейін қалпына келтіру туралы хабар, АҚШ-тағы шикі мұнай қорының өсуі, бұл "Зета" дауылының салдарынан туындаған сұранысты қамтамасыз етеді деген жаңалықтар мұнай бағасына ықпал еткен.
Директор әлемдік қор нарығы теріс сентиментті де көрсетіп отырғанын атап өтті. АҚШ-тың акциялар нарығы соңғы 3 күнде экономиканы қолдау және фискалды шаралар пакеті туралы келіссөздердегі кідіріс, әрі эпидемиологиялық жағдайдың нашарлауына байланысты құлдырап жатыр. Еуропа нарығы да науқастар санының өсуіне байланысты енгізілген шектеу шаралары салдарынан құлдырап жатыр.
Осыған байланысты дамушы елдердің тәуекел активіне сұраныстың төмендеуі байқалған. Жұмамен салыстырғанда Мексикалық песо долларға шаққанда 0,7 пайызға, Ресей рублі 1,5 пайызға, Бразилия реалы 1,6 пайызға, Түрік лирасы 2,9 пайызға төмендеген.
"Теңгенің айырбас бағамы сыртқы факторлардың әсерінен қалыптасады. Бұл энергия тасымалдаушылар және дамушы елдер нарығындағы негізгі трендтерге сәйкес келетінін көрсетеді", - дейді Ұлттық банктің монетарлық операциялар департаментінің директоры.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
