Ұлттық валюта бағамы 333 теңгеге дейін нығайды

KASE таңғы сессиясында теңгенің долларға қатысты бағамы 333,79-ға тең болды, - деп хабарлайды Tengrinews.kz тілшісі. Мұның алдындағы сессия 335,6 теңге көрсеткішімен аяқталған еді.

13 сәуірдегі таңғы сессияның алғашқы саудасы 333,4 теңгемен басталды. Сессияда төменгі бағадағы келісім 333 теңге болса, жоғары 334 теңгеге жетті. Сауда көлемі 132,5 миллион доллардан асты. Kurs.kz порталының мәліметінше, ақша айырбастау орындары шетел валютасын 328-333 теңге аралығында саудалап жатыр.

Айта кетейік, Астана уақыты бойынша сағат 10.48-де Brent маркалы мұнайдың баррель құны 44,48 доллар болды.