Ұлттық валюта нығая түсті

KASE қор биржасының таңғы сессиясының қорытындысы бойынша теңгенің долларға қатысты бағамы 348,83-ке тең болды, - деп хабарлайды Tengrinews.kz тілшісі. Айта кетейік, алдыңғы сауда 351,63 көрсеткішімен аяқталған еді.

23 ақпандағы алғашқы келісім 348 теңгемен жасалды. Ең төменгі баға да осы, ал жоғарысы 349,3 теңгеге жетті. Сессияда сауда көлемі 202,3 миллион доллардан асты. Kurs.kz порталының мәліметінше, ақша айырбастау пункттері шетел валютасын 347-350 теңге аралығында сатып жатыр.