Желіде Нұрсұлтан Назарбаевтың бейнесі бар банкноттар сатылатыны туралы хабарламар жарияланды

Желіде Қазақстан Президенті Нұрсұлтан Назарбаевтың бейнесі бар 10 мың теңгелік мерейтойлық банкноттар сатылатыны туралы хабарлама таралды, - деп жазады Tengrinews.kz тілшісі.

Olx.kz сайтындағы хабарламада мерейтойлық купюраның бағасы 13 мыңнан 50 мыңға дейін барады. 

Сатушылар банкноталар жақсы сақталғанын жазған. Ал сатушылардың бірі купюраларды полиэтилен пакетте сақтайтынын айтады.

Еске салайық, Елобасының бейнесі бар купюралар 2016 жылы шығарылған болатын. Ұлттық банк басшысы Данияр Ақышевтің сөзінше, Қазақстан тәуелсіздігінің 25 жылдығына арналған банкнот Президенттің елдің дамуына қосқан үлесін білдіреді.