Алматы Полиция департаментіне жаңа басшы тағайындалды

9 қаңтарда Алматы Полиция департаментінің жаңа басшысы тағайындалғаны белгілі болды. Бұл қызметке бұған дейін СҚО Полиция департаментін басқарған Айдын Қабдулдинов келді, - деп хабарлайды Tengrinews.kz тілшісі.

Ақпаратты ҚР Ішкі істер министрлігінің баспасөз қызметі растады.

"Бұған дейін Солтүстік Қазақстан облысы Полиция департаментінің бастығы қызметін атқарған полиция генерал-майоры Айдын Тоқтарұлы Қабдулдинов Алматы Полиция департаментінің бастығы болып тағайындалды", – деп хабарлады ІІМ.

Бұған дейін Алматы Полиция департаментінің бастығы қызметін Арыстанғани Заппаров атқарған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!