+7 (777) 001 44 99
Қазақша
Русский
English
06 ақпан 2023 | 13:40
Азамат Бейісбеков индустрия және инфрақұрылымдық даму вице-министрі болды
Азамат Бейісбеков индустрия және инфрақұрылымдық даму вице-министрі қызметіне тағайындалды, - деп хабарлайды Tengrinews.kz тілшісі ҚР премьер-министрінің баспасөз қызметіне сілтеме жасап.
ПОДЕЛИТЬСЯ
Азамат Бейісбеков индустрия және инфрақұрылымдық даму вице-министрі қызметіне тағайындалды, - деп хабарлайды Tengrinews.kz тілшісі ҚР премьер-министрінің баспасөз қызметіне сілтеме жасап.
"ҚР Үкіметінің қаулысы бойынша, Азамат Өмірзақұлы Бейісбеков ҚР индустрия және инфрақұрылымдық даму вице-министрі қызметіне тағайындалды", - делінген хабарламада.
Азамат Бейісбеков 1985 жылы Қарағанды қаласында дүниеге келген. Бөкетов атындағы Қарағанды мемлекеттік университетін тәмамдаған. Президенттік жастар кадр резервінің мүшесі. Еңбек жолын 2006 жылы ҚР Кедендік бақылау комитетінің кедендік рәсімдеу маманының міндетін атқарушы болып бастаған.
2009-2011 жылдары - ҚР Индустрия және жаңа технологиялар министрлігі Индустриялық саясат және Стратегиялық жоспарлау департаменттерінің сарапшысы, бас сарапшысы.
2011-2012 жылдары - ҚР Премьер-Министрі Кеңсесінің Индустриялық-инновациялық даму бөлімінің бас сарапшысы.
2012-2015 жылдары ҚР Президенті Әкімшілігінің Стратегиялық әзірлемелер және талдау орталығында түрлі лауазымдарда жұмыс істеген.
2015-2020 жылдары - ҚР Қауіпсіздік Кеңесінің Әскери қауіпсіздік және қорғаныс бөлімінің консультанты; инспекторы; сектор меңгерушісі.
2020-2022 жылдары ҚР Қауіпсіздік Кеңесінің Әскери қауіпсіздік және қорғаныс бөлімі меңгерушісінің орынбасары болды.
2022 жылғы маусымнан бастап қазіргі уақытқа дейін ҚР Еңбек және халықты әлеуметтік қорғау министрлігі аппаратының басшысы болып жұмыс істеген.
Бұрын осы лауазымда жұмыс істеген Ержан Жексенғалиұлы Мырзабаев берген өтінішіне сәйкес қызметінен босатылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
