+7 (777) 001 44 99
Қазақша
Русский
English
12 мамыр 2021 | 19:29
Марат Сұлтанғазиев жаңа қызметке тағайындалды
Мемлекеттік кірістер комитетінің бұрынғы басшысы Марат Сұлтанғазиев Қаржы вице-министрі болып тағайындалды, - деп хабарлайды Primeminister.kz.
ПОДЕЛИТЬСЯ
Мемлекеттік кірістер комитетінің бұрынғы басшысы Марат Сұлтанғазиев Қаржы вице-министрі болып тағайындалды, - деп хабарлайды Primeminister.kz.
"Үкімет қаулысымен Марат Елеусізұлы Сұлтанғазиев Қазақстан Республикасының Қаржы вице-министрі қызметіне тағайындалды", - делінген хабарламада.
Бұған дейін ҚР қаржы министрінің бұйрығымен Әли Сапарғалиұлы Алтынбаев ҚР Қаржы министрлігінің Мемлекеттік кірістер комитетінің төрағасы қызметіне тағайындалған болатын.
Марат Сұлтанғазиев 1976 жылы Алматы облысында дүниеге келген. Абай атындағы Алматы мемлекеттік университетін, Қазақ мемлекеттік заң академиясын, Т.Рысқұлов атындағы Қазақ экономикалық университетін тәмамдаған. Мамандығы бойынша экономист-қаржыгер, заңгер, іскерлік әкімшілендіру магистрі.
Еңбек жолын 1997 жылы Салық бөлімінің заңды тұлғаларды тексеру бөлімінің бірінші санатты маманы болып бастаған.
1998-2001 жылдары Алматы қаласы бойынша Салық комитетінің салық инспекторы, аға салық инспекторы, жетекші салық инспекторы, бас салық инспекторының міндетін атқарушы болып жұмыс істеген.
2001-2010 жылдары Алматы қаласы бойынша Салық комитетінде жұмысын жалғастырған, Алматы қаласы бойынша Салық департаменті басшысының орынбасары болып жұмыс істеген.
2010-2012 жылдары ҚР Қаржы министрлігінде басшылық қызметтерді атқарған. 2012-2014 жылдары - ҚР Президенті Әкімшілігінің Әлеуметтік-экономикалық мониторинг бөлімінің сектор меңгерушісі.
2014-2017 жылдары - ҚР Қаржы министрлігі Мемлекеттік кірістер комитетінің Алматы қаласы бойынша Мемлекеттік кірістер департаментінің басшысы.
2017 жылғы маусымнан 2018 жылғы қазанға дейін ҚР Президенті Әкімшілігінің Әлеуметтік–экономикалық мониторинг бөлімі меңгерушісінің орынбасары қызметін атқарды.
2018 жылғы қазаннан бастап қазірге дейін ҚР Қаржы министрлігі Мемлекеттік кірістер комитетінің төрағасы болып жұмыс істеді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
