Орталық сайлау комиссиясы басшысының орынбасары мен хатшысы сайланды

Қазақстанның Орталық сайлау комиссиясы төраға орынбасары мен хатшысын сайлады, - деп хабарлайды Tengrinews.kz тілшісі ОСК баспасөз қызметіне сілтеме жасап.

"Константин Петров төрағаның орынбасары болып қайта сайланды. Анастасия Щегорцова Орталық сайлау комиссиясының хатшысы болып сайланды", - делінген хабарламада.

ОСК хатшысы қызметін атқарған Сәбила Мұстафина комиссия мүшесі қызметін жалғастырады.

Бұған дейін президент Қасым-Жомарт Тоқаев ОСК мүшелері Сәбила Мұстафина мен Константин Петровты қайта тағайындаған еді. Берік Имашев 10 қыркүйекте Қазақстанның Орталық сайлау комиссиясының басшысы болып қайта тағайындалған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!