Павлодар мұнай-химия зауытының бас директоры тағайындалды

Павлодар мұнай-химия зауытына бас директор тағайындалды, - деп хабарлайды Tengrinews.kz тілшісі ҚМГ сайтына сілтеме жасап.

"ҚазМұнайГаз" ҰК АҚ басқармасының шешіміне сәйкес Қуаныш Ердәулетұлы Бишімов "Павлодар мұнай-химия зауыты" ЖШС бас директоры (басқарма төрағасы) болып тағайындалды", - делінген хабарламада.

Павлодар мұнай-химия зауытының жаңа басшысын кәсіпорын ұжымына "ҚазМұнайГаз" ҰК АҚ Мұнай өңдеу және мұнай химиясы департаментінің директоры Дмитрий Макеев таныстырды.

Қуаныш Бишімов осы қызметке тағайындалғанға дейін Қазақстан Республикасы Ұлттық экономика министрлігі Мемлекеттік материалдық резервтер комитетінің "Резерв" республикалық мемлекеттік кәсіпорнының бас директоры қызметін атқарған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!