Павлодардың бұрынғы әкімі жаңа қызметке келді

Павлодардың бұрынғы әкімі Ержан Иманзайыпов Павлодар облысының Энергетика және тұрғын үй-коммуналдық шаруашылық басқармасына басшы болды, - деп хабарлайды Tengrinews.kz тілшісі.

Облыс әкімінің баспасөз қызметі мәліметінше, Павлодардың бұрынғы әкімін жаңадан тағайындау туралы өкімге аймақ басшысы қол қойды.

Айта кетейік, 2017 жылы Иманзайыпов бұл ведомствоны басқарған. Былтыр қыркүйекте Павлодар әкімі қызметінен босатылғаннан кейін Иманзайыпов облыстық кәсіпкерлік және индустриялық-инновациялық даму басқармасын басқарған болатын.

Еске салайық, 2023 жылғы қыркүйекте Павлодар облысы әкімінің өкімі бойынша, Иманзайыпов әкім қызметінен кеткен болатын. Мұның алдында қарамағындағы қызметкерлерге қатысты жемқорлық дауы болған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!