Тоқаев Мемлекеттік күзет қызметі басшысын тағайындады

Мемлекет басшысының жарлығы бойынша Ермек Сағымбаев Мемлекеттік күзет қызметінің бастығы болып тағайындалды, - деп хабарлайды Tengrinews.kz тілшісі Ақорда сайтына сілтеме жасап.

"Ермек Алдабергенұлы Сағымбаев Қазақстан Республикасы Мемлекеттік күзет қызметінің бастығы лауазымына тағайындалсын", - делінген жарлықта.

Айта кетейік, бұған дейін Сағымбаев Мемлекеттік күзет қызметі басшысының міндетін атқарушы болған.

Сондай-ақ, Мемлекет басшысының жарлығы бойынша Байбосынов Батырбек Бердібайұлын Мемлекеттік күзет қызметі бастығының орынбасары болып тағайындалды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!