Тоқаев "Оңтүстік" және "Шығыс" әскерлерінің қолбасшыларын тағайындады

Президент Қасым-Жомарт Тоқаев "Оңтүстік" және "Шығыс" өңірлік қолбасшылығы әскерлерінің қолбасшыларын тағайындады, - деп хабарлайды Tengrinews.kz тілшісі Ақордаға сілтеме жасап.

Мемлекет басшысының өкімі бойынша:

• Қуанышбек Өскенбайұлы Үштаев "Оңтүстік" өңірлік қолбасшылығы әскерлерінің қолбасшысы болып тағайындалды, ол "Шығыс" өңірлік қолбасшылығы әскерлерінің қолбасшысы лауазымынан босатылды;
• Жеңіс Мұхамедқалиұлы Маралов "Шығыс" өңірлік қолбасшылығы әскерлерінің қолбасшысы лауазымына тағайындалды.

Сондай-ақ, Мемлекет басшысының өкімімен Мереке Мәтімұлы Көшекбаев "Оңтүстік" өңірлік қолбасшылығы әскерлерінің қолбасшысы лауазымынан босатылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!