Алтай аймағындағы сауда орталығында жарылыс болды

РФ Алтай аймағының оңтүстік-шығысында орналасқан Бийск қаласындағы сауда орталықтарының бірінде жойқын жарылыс болды, деп хабарлайды Tengrinews.kz Life News сайтына сілтеме жасап. Төтенше оқиға салдарынан 3 әйел қайтыс болды.Жарылыс болған жерде қазір құтқарушылар жұмыс істеп жатыр. "Life News" сайты сондай-ақ, жарылыс кезінде қаза тапқан адамдар саны одан да көп болуы мүмкін екендігін болжауда. Жарылыстың болғаны жөніндегі хабар орталық диспетчерлік қызметке жергілікті уақытпен таңғы сағат 08.00-де келіп түскен."Екі қабатты сауда орталығының сау-тамтығы қалмады. Жарылыс болған жерден үш әйелдің мәйіті табылды. Қазір оқиға кезінде қайтыс болғандардың аты-жөндері анықталу үстінде", - делінген Бийскінің құқық қорғау органдары таратқан мәліметте. Тәртіп сақшылар жарылыстың неден болғанын тап басып айта алмай отыр. Анықталғанындай күлі көке ұшқан сауда орталығы көмірмен жылытылған.