Африкалық пілдерді хайуанаттар бағы мен циркке сатуға тыйым салынды

Женевадағы СИТЭС қатысушылары Зимбабве, Ботсван, Намибия және Оңтүстік Африка елдерінен піл экспортын тоқтатуға шешім қабылдаған. Бұл шешімді жабайы фауна мен флораның жойылып кету қаупі төнген түрлерімен халықаралық сауда туралы конвенцияға қатысушы 180 ел қолдаған, - деп хабарлайды DW.

Бүкіл әлемдегі хайуанаттар бағы мен цирктерге, әсіресе Қытайға пілдерді сату тоқтатылған. Басқа аймақтарға жануарларды тасымалдауға әлі де рұқсат етілген.

Піл экспортын тоқтатуға себеп болған басты ел - Зимбабве. Pro Wildlife неміс ұйымының мәліметінше, Зимбабве 2012-2017 жылдар аралығында Қытайға 108 піл сатқан. 

Жануар қорғаушылары да бұл шешімді қолдаған.