Археологтар алып адамдардың тұрағын тапқанын жария етті

Қытай археологтары жер бетінде бес мың жылдай бұрын өмір сүрген делінген алып адамдардың сүйектерін таптық деп жар салды, - деп хабарлайды "Чжунго синьвэньван".

Зерттеушілердің пікірінше, табылған сүйектер Хуанхэ бойын мекен еткен неолит дәуірінің адамдарына тән. 

Ғалымдардың мәліметі бойынша, тірі кезінде бұл адамдардың бойы табылған сүйектердің ұзындығынан (1,9 метр) биік болған. Бұл адамдардың азықтары мол болғандықтан осындай ірілікке жеткен екен. Бұл адамдардар қолайлы жағдайда өмір сүрген екен. Өйткені олардың тұрған үйлерінде жатар бөлме мен өзге де мақсатқа пайдаланылған бөлмелер болған делінеді. 

Бұл қазбалар Цзинань қаласының орнында жасалып жатқан археологиялық жұмыстар кезінде табылған. Осы уақытқа дейін ғалымдар жүздей ғимарат, екі жүздей көмбе мен жиырмаға жуық құрбандық орнын тапқан.