Байлар мен кедейлер бақытты қалай сезінеді? Ғалымдардың зерттеуі

Байқуатты адамдар өзі жайлы ойлардан позитив эмоцияны көбірек сезінеді. Ал күнкөрісі төмен адамдар өзгелермен қарым-қатынас жасаудан ләззат алады. Бұл туралы Калифорния университеті ғалымдарының зерттеуінде айтылады. Зерттеуді Америкалық психологиялық ассоциация (American Psychological Association) жария етті, - деп хабарлайды РИА Новости. 

Зерттеуге 1519 адам қатысқан. Ғалымдар қатысушылардың табысы жайлы мәліметпен қатар, олардың бақытпен байланыстыратын махаббат, қуаныш, уайымдау, мақтаныш, энтузиазм, сүйсіну, қанағаттану сияқты көңіл сәттерінен қандай эмоция алатынын анықтаған. Оларға "Өзгелерге қамкөңіл болу қаншалықты ыстық сезім сыйлайды?" деген сұрақ қойылған. 

Сөйтсек, табысы жоғары адамдарға жағымды эмоцияны мақтаныш пен өзінне қанағаттану сезімі сыйлайды екен. Олар "Адамдар мені құрметтесе, содан көбірек ләззат аламын" деген сөзге қанағаттанады. 

Ал табысы аздар махаббат пен қамкөңіл болудан рахат алатын көрінеді. "Бұл зерттеу ақшаның бақытқа кепіл болмайтынын, бірақ оның пайда болуына әсер ете алатынын дәлелдеді", - дейді зерттеу авторларының бірі Пол Пифф.