+7 (777) 001 44 99
Қазақша
Русский
English
09 қаңтар 2021 | 11:17
Тоқаевтың тәуелсіздік туралы мақаласындағы ой түркі әлемінің атласымен дәлелденді
Тоқаевтың тәуелсіздік туралы мақаласындағы ой түркі әлемінің атласымен дәлелденді. Құнды еңбекте 200-ден аса карта жинақталған, - деп хабарлайды Tengrinews.kz тілшісі "Хабар 24" телеарнасына сілтеме жасап.
ПОДЕЛИТЬСЯ
Тоқаевтың тәуелсіздік туралы мақаласындағы ой түркі әлемінің атласымен дәлелденді. Құнды еңбекте 200-ден аса карта жинақталған, - деп хабарлайды Tengrinews.kz тілшісі "Хабар 24" телеарнасына сілтеме жасап.
Атластың тұсаукесері "Түркі әлемі: тарихи-мәдени мұра" халықаралық конференциясында өтті. Ел Тәуелсіздігінің 30 жылдығына орайластырылған іс-шараға Түркия, Әзербайжан, Қырғызстан, Мажарстан және Өзбекстандағы түркі ұйымдарының басшылары мен ғалымдар қатысты.
"Атлас Қазақстан Президенті Қасым-Жомарт Тоқаевтың "Тәуелсіздік бәрінен қымбат" атты мақаласындағы "Қазаққа осынау ұлан-ғайыр аумақты сырттан ешкім сыйға тартқан жоқ" деген ойына дәлел бола алады", - дейді ғалымдар.
Іргелі еңбектің электрон нұсқасы да бар.
"Бірінші орыс тілінде шығардық. Өйткені материалдардың көбісі орыс тілінде. Қазақ тіліндегісі дайын. Қазір тиражы 1000 данамен шықты. Бірақ сұраныс көп болады деп ойлаймын. Сондықтан болашақта бұл кітапты қолжетімді етуге тырысамыз", - деді Халықаралық түркі академиясының президенті Дархан Қыдырәлі.
Еске салайық, 5 қаңтарда Мемлекет басшысы Қасым-Жомарт Тоқаевтың "Тәуелсіздік бәрінен қымбат" атты мақаласы жарияланды. Мұнда Президент елдегі бірқатар мәселені көтерді. Оның ішінде жер туралы, экология мен қазақ тілі туралы жазды.
Президент мақаласында жерге "таласқандарға" жауап берген еді. Бұған дейін Ресейдегі Мемлекеттік Дума депутаты Вячеслав Никонов мемлекеттік телеарна эфирі барысында Қазақстан деген ел болмады деген. Кейін оның сөзін бірқатар ресейлік шенеунік қолдаған. Олар Қазақстанға жерді Ресей сыйлаған деген болатын.
"Бабалардан мұра болған қасиетті жеріміз - ең басты байлығымыз. Қазаққа осынау ұлан-ғайыр аумақты сырттан ешкім сыйға тартқан жоқ. Бүгінгі тарихымыз 1991 жылмен немесе 1936 жылмен өлшенбейді. Халқымыз Қазақ хандығы кезінде де, одан арғы Алтын Орда, Түрік қағанаты, Ғұн, Сақ дәуірінде де осы жерде өмір сүрген, өсіп-өнген. Қысқаша айтқанда, ұлттық тарихымыздың терең тамырлары көне заманның өзегінде жатыр. Жалпы, тарихпен саясаткерлер емес, тарихшылар айналысуы керек", - деп пікір білдірді Тоқаев.
Мемлекет басшысы шекарамыз толығымен шегенделгенін де жазды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
