Тоқаев тәрбиешілердің де жалақысын өсіруді қарастыратынын айтты

Қазақстан Президенті Қасым-Жомарт Тоқаев Twitter желісіндегі парақшасында тәрбиешілердің құқықтары мен жалақыларын көбейту жайлы жазды, - деп хабарлайды Тengrinews.kz тілшісі. 

"Менің атыма науқас балаларға арналған балабақшалар мен мектептердің тәрбиешілерінен олардың құқықтарын мұғалімдермен теңестіріп, жалақыларын көбейту жөнінде өтініштер келіп түсуде. Үндеріңіз маған жетті. Келесі жылы Үкімет осы мәселені қарастырады", - деді Қасым-Жомарт Тоқаев.