Тұмау вирустары бауыр обырын емдейтін болып шықты

Ұлыбританиядағы Лид университетінің ғалымдары тұмау вирустарының бауырдағы обыр жасушаларын жоятынын анықтады. Ғалдымдардың зерттеу қорытындысы Gut журналында жарияланды, - деп жазады Lenta.ru.

Тыныс алу жолдарына зиянды реовирустар ағзаның иммундық жүйесін оятып, қатерлі жасушаларды жоятыны анықталған. Сонымен қатар, олар бауыр обырының себептерінің бірі болып келетін (гепатоцеллюлярлы карцинома) С гепатитінің вирустарын өлтіретін болып шықты. 

Ғалымдар зерттеудің қортындылары адамдар қатысатын клиникалық сынамаларды өткізуге мүмкіндік беретініне үміттенеді. Мақала авторларының пікірінше, вирусты иммунотерапия осы уақытқа дейін хирургиялық жолмен ғана күресіп келген гепатоцеллюлярлы карциноманы емдеуге мүмкіндік береді.