Актриса Айым Сейтметова ана атанды

Блогер, актриса Айым Сейтметова ана атанды, - деп хабарлайды Tengrinews.kz тілшісі.

Бұл туралы блогердің өзі Instagram-парақшасында жариялады. Айта кетейік, Айым Сейтметова қазақстандық танымал актер Азат Сейтметов пен актриса Данагүл Темірсұлтанованың қызы.

"30.03.2022 жылы мен ана атандым. Дүниеге қош келдің. Иісің қандай керемет еді", - деп жазды Айым Сейтметова.

Сурет: Instagram/aiymsm

Актрисаның жұбайы Талғат Итаев та қуанышын Instagram-парақшасында бөлісті.

"30.03.2022 жылы, бүгін таңертең қызым дүниеге келді. Әлхамдулиллах бәрі жақсы өтті! Айым, сұлу қызымыз үшін рақмет! Сүйемін!" - деп жазды актрисаның жары.

Айта кетейік, актриса Айым Сейтметова 2019 жылы қазанда тұрмысқа шыққан болатын. Актрисаның жары - бизнесмен Талғат Итаев.

Актриса "Той любой ценой", "Инстаграмщица", сондай-ақ "Күшiк құда - Квартиранты" сияқты отандық фильмдерге түскен.

Сілтемесіз жаңалық оқисыз ба? Онда Telegram желісінде парақшамызға тіркеліңіз!