Баян Есентаева бет-жүзін көрсетті

Отандық танымал продюсер Баян Есентаева күйеуі Бақытбек Есентаевтың ұрып-соққан оқиғасынан кейін тұңғыш рет бет-жүзін көрсетті, - деп хабарлайды Tengrinews.kz тілшісі. Продюсер екі суретті Instagram желісіне салды. Осыған дейінгі суреттері тек артынан түсірілген еді. 

Суретте тележүргізуші теңіз жағалауында екі қызымен суға түсіп жүр. Алайда Есентаева бұл қай ел екенін айтпады.

© instagram.com/bayanyessentayeva_

Еске салайық, 10 маусымда Баян Есентаева Талғар ауруханасына бассүйек ми жарақаты, пышақ жарақаты және мұрынның сынуы диагнозымен түскен болатын. Алдын ала мәлімет бойынша, оны күйеуі Бақытбек Есентаев ұрып-соққан. Бұл оқиға Құлжа тас жолында болған. Жәбірленушіге үш сағат бойы ота жасалды. Қазіргі уақытта Баян Есентаеваның денсаулығы жақсарып, ол жұмысын бастап кетті.