Бейонсенің өңделмеген суреттері Интернетті "жарды"

18 ақпанда америкалық әнші Бейонсенің өңделмеген 200-ге жуық суреті Интернетте жарияланды. Gawker порталының хабарлауынша, 33 жастағы поп-жұлдызының суреттері L'Oréal Paris косметикалық компаниясының 2013 жылы өткен фотосессиясы кезінде түсірілген.

Әлеуметтік желіні қолданушылар әртістің келбетін қызу талқылап, оның бет терісінің әрлеп түзетілген суреттердегідей мінсіз емес екенін айтты.

Айта кетейік, өткен аптада Интернет желісінде топ-модель Синди Кроуфордтың журнал үшін ұйымдастырылған түсірілім кезіндегі фотошопсыз суреттері пайда болды. Суреттер бірден интернет-вирусқа айналды. Көпшілік фотосессияға баға беріп, Кроуфордтың қазіргі кезі әлдеқайда әдемі көрінетінін айтты.