Беркут өз інісіне продюсер болады

Беркут деген атпен танымал болған әнші Айбек Жансейітов өз інісіне продюсер болады - деп хабарлайды Tengrinews.kz тілшісі. Бұл туралы әнші 31 арнаға берген сұхбатында айтты.

"Мерей деген шәкіртіммен бейнебаян түсіруді жоспарлап отырмыз. Ол да үлкен сахнаға шыққысы келеді, эстрада әншісі болғысы келеді. Жасы - 19-да. Жақын арада дуэт болып бірге шығамыз", - деді Беркут сұхбатында.

Әншінің айтуынша, ол жазға дейін үш бірдей бейнебаян түсіруді жоспарлап отыр. Оның біреуін інісімен, екіншісін "Дедім-ай, ау" халық әніне, үшіншісін әйелі Аиша екеуінің бірге орындайтын әніне түсіреді.