Гүлзира Айдарбекова өсек айтқандарға шүйлікті

Танымал продюсер Гүлзира Айдарбекова Instagram желісіндегі парақшасында өсек айтпай, жақсы тілек тілеуге шақырды, - деп хабарлайды Tengrinews.kz тілшісі.

Гүлзира Айдарбекова отбасымен бірге Мальдив аралдарында демалып жатыр. Ол демалыстағы суреттерін жариялап, балалары кішкентай кезде ғана үшеуімен бірге демалғанын, өскесін бәрі бірге шықпағанын айтты. Сондай-ақ, осы жазбасында өсек айтқандарға шүйлікті.

"Сүрінгенмен жығылғанды сөз етпе,
Сен де тұрсың,
Мен де тұрмын кезекте.
Бір жапырақ жерге түссе де Алланың қалауымен. Өсек айтпай, бір-бірімізге жақсы тілектер айтып отырайықшы. Бүгінгі алғашқы көктем бәріңізге құтты болсын! Шуақты күндеріңіз көп болсын! Мен сіздерді жақсы көремін!" - деді ол желідегі жазбасында.

Бұған дейін Гүлзира Айдарбекова Қайрат пен Жұлдыздың арасында не болғанын айтқан еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!