Мейрамбек Бесбаев ұлына қандай есім берді

Қазақстанның белгілі әншісі Мейрамбек Бесбаев ұлының есімін Әбухайыр деп қойды. Бұл туралы "МузАрт" тобының солисі Instagram желісіндегі парақшасында хабарлады. "Баршаларыңызға мың алғыс! Ұлдың аты - Әбухайыр", - деп жазды әнші көптеген тыңдарманының құттықтауына рақмет айтып.

Еске сала кетейік, Мейрамбек Бесбаевтың жары наурыз айының соңында босанған болатын. Бұл туралы "МузАрт" тобының мүшесі Сәкен Майғазиев хабарлап, сүйінші сұраған еді. 

Мейрамбек Бесбаев әйелімен және қызымен. 

Мейрамбек Бесбаев пен оның әйелі Мархабаттың Кәусар есімді қыздары бар. 2014 жылы Кәусар бірінші сыныпқа барды.