Қазақ жұлдыздарының WhatsApp-тағы "әңгімесінің" жалғасы пайда болды

Қазақ жұлдыздарының WhatsApp-тағы "әңгімесінің" жалғасы пайда болды, - деп хабарлайды Tengrinews.kz тілшісі. 

Бұл жолғы видеода "Қызық Times" телебағдарламасының ұжымы танымал әртіс қыздар мен әйелдердің 7 мамырға ерлерге сыйлық таңдауы жайлы әңгімесін ұйымдастырған. Қазақ әншілері кімнің кіммен дуэт айтатыны, Төреғали Төреәлінің "Алло" әнінің жаңа нұсқасын кіммен бірге дуэт болып айтуы керектігін және би флешмобын ұйымдастыруды талқылайды. Роликте Баян Есентаева, Luina, Дильназ Ахмадиева, Айгүл Иманбаева, Ерке Есмахан, Жанар Дұғалова, Алтынай Жорабаева және басқалар "әңгімелеседі". 

Айта кетейік, видео авторлары Марат Оралғазин мен Еркебұлан Мырзабек осыған дейін ерлердің "әңгімесін" ұсынған еді.