Сәкен Майғазиев жары төртінші перзентіне аяғы ауыр екенін жариялады

Қазақстандық белгілі әнші Сәкен Майғазиев әйелі Динара Асылханқызының жүкті екенін жариялады, - деп хабарлайды Tengrinews.kz тілшісі.

Бұл туралы әнші Instagram желісінде жазды. Оның айтуынша, бастапқыда бұл жаңалықты ешкімге айтпай, жасырып жүріпті. "АЛЛА - ұлық! Жаратушымен жарысып ештеңе айта алмаймыз. РАББЫМ ұл берсе де, қыз берсе де иманды, саналы, салиx ұрпақ нәсіп еткей. Жасырып-ақ жүргем. Нұржантай @nurzhan_atash бауырым сұxбат барысында ҚАЗАҚ xалқынан сүйінші сұрап қойды. Негізі қыз күтіп жүр едік. АЛЛА тағала Әділетіме бауыр да бұйырта берсін", - деп жазды әнші.

Майғазиевтің отбасында үш бала бар. Олардың есімдері Әділет, Райана, Мәриям. Әншінің кенже қызы 2016 жылдың 14 қаңтарында дүниеге келген болатын.