Су бетінде кофе ішкен Тимати жұртты таңғалдырды

Ресейлік рэпер Тимати Instagram желісіндегі парақшасында қызықты видео жариялады, - деп хабарлайды Тengrinews.kz тілшісі. 

Видеоның сипаттамасында "Жол-жөнекей массажға" деп жазған әнші серфинг тақтасында тұрып. Осы сәтінде ол кофе ішеді. Тепе-теңдікті сақтап, камераға қарап та үлгереді. Сондай-ақ, ол ақ халат киіп, басына орамал орап алған. 12 сағатта видеоны  3 миллионға жуық адам тамашалап, 14 мыңға жуық пікір жазылған. Видео Түркияның Кемер қаласындағы Rixos Sungate жағалауында түсірілген болуы мүмкін. 

35 жастағы орындаушы бұрыннан серфингпен шұғылданады. Мәскеуде ол осы спорт түрімен жасанды толқындары бар арнайы бассейнде жаттығады. Осыған дейін ол екі қолына кофе мен шаурма ұстап, серфинг тепкен болатын.