Халықаралық байқауда қазақстандық модель "Бикини аруы" атанды

26 жастағы астаналық Анна Левицкая Түркияда өтіп жатқан халықаралық The Queen of Eurasia-2015 байқауына қатысып жатыр, - деп хабарлайды Tengrinews.kz тілшісі.

Арулар финалға қызу дайындалып жатыр, ол 8 қазанда Анталияда өтеді. Әзірше Еуразия континентінен келген барлық қыздар аралық кезеңдерден өтіп жатыр - дефиле, дарындар байқауы, спорттық шаралар. Анна "Бикини аруы" титулын жеңіп алды. Айта кетейік, қыздың параметрлері халықаралық 90-60-90 стандартына жақын, бойы - 172 сантиметр.

Анна Левицкая 2014 жылы Photomodel of the Universe сұлулық байқауына қатысқан және ол әлемнің ең үздік фотомодельдерінің бестігіне енді. Қыз 2012 жылы "Астана II вице-аруы" атанған. Қазір дефиле бойынша бапкер, модель және PrimaVera агенттігі директорының орынбасары болып қызмет етеді.