+7 (777) 001 44 99
Қазақша
Русский
English
11 желтоқсан 2021 | 17:45
"Зарафшанға келін болып барғанда түсінбей қалдым". "Жұлдыздың жары" жобасында - Дана Есеева
Блогер Мейіржан Төребаевтың жары Дана Есеева "Жетінші арнадағы" "Жұлдыздың жары" жобасының қонағы болды, - деп хабарлайды Tengrinews.kz тілшісі.
ПОДЕЛИТЬСЯ
Блогер Мейіржан Төребаевтың жары Дана Есеева "Жетінші арнадағы" "Жұлдыздың жары" жобасының қонағы болды, - деп хабарлайды Tengrinews.kz тілшісі.
Ол Жұлдыз Абдукаримоваға берген сұхбатында отбасылық өмірдің алғашқы кезеңіндегі қызық оқиғаларын әңгімелеп, олар туралы жиі айтылатын ТОП-3 қауесетті атады. Бағдарлама қонағы Зарафшанға келін болып түскенде қандай қызық оқиға болғанын әңгімелеп берді.
"Шай құйып жүргенде, кейін кеселерді жинап, ішіне ақша салып береді. Зарафшанның ақшасы - басқа, сом. Қуанып жүрмін. Бәрін жинап, бір бума ақшаны Мейіржанға көрсеттім. Ол "мына бума 200 теңге болады" деді. Сөйтсем, сомдары мүлде арзан екен. Олар бір-бір қағаздан салады. Әр 2 қағаз теңге ме, сондай екен", - деп күліп еске алды ол.
Блогер өздері туралы жиі айтылатын ТОП-3 қауесетті атап, жұрттың желіде түрлі пікір айтып, қатыгез болып кетуіне карантиннің де әсері барын жоққа шығармады.
"Бірінші өсек - Мейіржан екінші күйеуім. Екінші өсек - екі балам Мейіржандікі емес. Үшінші өсек - Мейіржанның тоқалы бар. Халық "осы рас па?" деп жиі жазады. Жұрт соған сенгісі келетін сияқты. Халық карантиннен бе, неден екенін білмеймін, қатыгез болып кетті. Жақсы істерді көрмейді, адам сүрініп қалса ғана содан үлкен проблема шығарып алады. Пікірлерді оқысаң, тек бізді емес, басқа да әртістерді бәрі қосылып жамандап отырады", - деді бағдарлама қонағы.
Айта кетейік, бағдарлама қонақтарының арасында әзілкеш Қанат Әлжаппаровтың, әнші Төреғали Төреәлінің және тағы басқа жұлдыздардың жұбайлары болады.
Бүгін сағат 10:00-де "Жетінші арнадан" "Жұлдыздың жары" шоуының екінші шығарылымы көрсетілген еді. Ал сағат 17.00-де TengriTV YouTube-арнасына жариялап отырмыз. Жазылуды ұмытпаңыз!
Әр сенбіде "Жұлдыздың жары" жобасын "Жетінші арнадан" сағат 10:00-де тамашалаңыздар.
Жұлдыз Абдукаримова - Қайрат Нұртастың әйелі. Ол 2017 жылы "Арман. Когда ангелы спят" фильміне түскен. 2020 жылы "Әлем ханымы - 2020" атағын жеңіп алды. Ал 2021 жылы "Сезін" кітабын шығарды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
