Chery Галактикасы

Chery Automobile Co., Ltd. - 1997 жылы Аньхой провинциясының Уху қаласында құрылған, қытайдың жетекші автоөндірушілерінің бірі. Әуелден-ақ Chery тәуелсіз әзірлемелерді және экспорттық әлеуетті бағдарда ұстады. Қытайлық көптеген басқа брендтермен салыстырғанда, компания өз стратегиясын шетелдік өндірушілермен ынтымақтасуға емес, жеке технологиялары мен әзірлемелерін дамытуға негіздеді.

1999 жылдан Chery автокөліктердің сериялық өндірісін бастады, ал 2001 жылы алғаш халықаралық нарыққа шықты. Бүгінде Chery автокөліктері әлемнің 80-нен аса елінде ұсынылады. Компания сатылымдар көлемі бойынша Қытайдың аса ірі автоөндірушілерінің ТОП-10-ына кіреді және 20 жылдан көп уақыт бойы Қытай автокөліктерінің аса ірі экспорттаушысы болып табылады. 2023 жылдың өзінде Chery 930 000-нан аса автокөлік экспорттап, жаңа рекорд орнатты.

Компания зерттеулерге және жобалар әзірлеуге белсенді түрде инвестиция құйып келеді: Chery құрамына Қытайдағы, Германиядағы, АҚШ-тағы, Бразилиядағы және Австриядағы әлемдік 5 R&D-орталық кіреді. Оларда күштік агрегаттар, платформалар, қауіпсіздік, автономды жүргізу жүйелері мен интеллектуалды сервистер жасаумен айналысатын 7 000-нан аса инженер еңбек етеді. Электромобильдер мен гибридті технологияларға ерекше көңіл бөлінеді - Chery PHEV және DHT гибридтерін қоса алғанда жеке күштік қондырғылар мен энергияны басқару жүйелерін әзірлеп шығаруда.

2020 жылы компания With Chery With Love (WCWL) жаһандық платформасын - мүдделестер қоғамдастығын және корпоративтік әлеуметтік жауапкершілік пен клиенттерді жұмылдыруға бағытталған жобалар сериясын іске қосты. Платформа ондаған елді қамтиды және оған экологиялық, мәдени және білім беру бастамалары кіреді.

Компанияға бірден 17 автобренд тиесілі, алайда Қазақстан нарығында олардың бәрі бірдей ұсынылмаған. Негізгі құрамы келесідей: Chery, EXEED, Omoda, Jaecoo, Jetour, Kaiyi (50%), Karry, Rely, Riich, Qoros (50%), iCar, Luxeed және, әрине, Chery Jaguar Land Rover (50%).

Chery автономды жүргізу, ақылды навигация, онлайн-сервистер және OTA-жаңартулар технологияларын белсенді түрде дамытуда. Компанияның өндірістік қуаттылықтары халықаралық сапа стандарттары бойынша сертификатталған, ал автокөліктер қатаң краш-тесттерден және аса үлкен автополигондарда сынақтардан өтеді.

Chery өзін инновациялық, сенімді және қолжетімді автокөліктердің жаңа буынының өндірушісі ретінде орнықтырып, жаһандық нарықтағы қатысу ауқымын сенімді түрде кеңейтіп келеді.