Voyah

Voyah - Dongfeng Motor Corporation корпорациясының электромобильдер өндіретін, 2020 жылы құрылған премиум-бренді. Voyah атауы ағылшын тіліндегі "Voyage" (саяхат) және "Way" (жол) сөздерінің бірігуінен шықса керек, бұл брендтің инновация мен премиум сапаны үйлестіріп, ұзақ, әрі жайлы сапарларға арналған көліктер жасауды мақсат тұтатынын білдіреді. Қытай тілінде бренд "Воя" деп айтылады (екпін бірінші буынға түседі).

Бұл марка нарыққа тек қана озық технологияларымен емес, сәнді дизайнымен, жайлылық пен қауіпсіздіктің жоғары деңгейімен ерекшеленетін сән-салтанатты электромобильдер ұсыну үшін құрылды. Voyah сапа, заманауи технологиялар мен экологиялық таза тәсілдерді бағалайтын тұтынушыларды қызықтыратын автокөліктер жасауға бағытталған.