FAW Галактикасы

China FAW Group Corporation - Қытайдағы ең көне мемлекеттік автокөлік өндіруші компания. Ол 1953 жылы Чанчунь қаласында КСРО-ның қолдауымен құрылған. Компанияның алғашқы өнімі - кеңестік ЗИС-150 негізінде жасалған Jiefang жүк көліктері.

Бүгінде FAW Қытайда көліктердің кең ауқымды таңдауын ұсынатын ең ірі автоөндірушілердің бірі саналады. Компанияға Hongqi премиум санатты көліктер бренді, Bestune масс-маркет бренді, Jiefang коммерциялық техника бренді тиесілі.

Бұдан бөлек, FAW Volkswagen және Toyota сияқты әлемдік автоөндірушілермен тығыз серіктестік орнатып, халықаралық нарықтағы орнын нығайтып келеді.