Poer

POER - Great Wall Motors (GWM) қытай компаниясының пикап моделі.

Модельдің атауы ағылшын тіліндегі төрт сөздің бастапқы әріптерінен құралған: "powerful" (қуатты), "off-road" (жол талғамайтын), "enjoyable" (ыңғайлы), "reliable" (сенімді). Сонымен қатар, атауы ағылшын тіліндегі "power" (күш) сөзімен ұқсас естіліп, модельдің жұмыс пен демалуға арналған қуатты әрі сенімді көлік ретінде позициясын айқындайды. Дұрыс айтылуы - "поэр". 

GWM пикаптары бойында жол талғамайтын көліктің өтімділігін, жүк көлігінің жүккөтергіштігін және жеңіл көліктің жайлылығын біріктірген. Автокөліктер  классикалық дизель және бензиннен бастап, заманауи гибрид пен электрлі шешімдерге дейін түрлі қозғалтқыш нұсқаларымен жабдықталуы мүмкін. GWM пикаптарының жинау сапасы, беріліс қорабының сенімділігі және жолдан тыс жүру қабілетіне ерекше назар аударылады. Қазақстан нарығында ресми түрде ұсынылған барлық GWM пикаптары (Poer, Wingle 7, King Kong Poer) рамалық конструкциямен, толық жетекті жүйемен және дифференциалдармен жабдықталған. Сонымен қатар, бұл бренд пикаптарында заманауи мультимедия жүйелері мен жүргізушіге көмектесетін интеллектуалды жүйелер қарастырылған.

Осының арқасында бұл модельге жеке пайдаланушылардан бастап, коммерциялық тұтынушыларға дейін сұраныс үлкен. Қытайда GWM пикаптар сегментінде тұрақты түрде көшбасшылар қатарында. Бренд халықаралық нарықта да кеңінен сатылымда: GWM пикаптары Таяу Шығыс, Латын Америкасы, Оңтүстік-Шығыс Азия және ТМД елдерін қоса алғанда, 50-ден астам елде ұсынылған.