Александр Бублик Ньюпорт турнирінің финалына шықты

Қазақстанның бірінші, әлемнің 42-ракеткасы Александр Бублик Ньюпорт ATP 250 турнирінің финалына шықты, - деп хабарлайды Tengrinews.kz тілшісі Vesti.kz сайтына сілтеме жасап.

Ол 1/2 финалда аустралиялық Джейсон Кублерді ұтты. Бір сағат он минутқа созылған кездесу 6:3, 6:2 есебімен қазақстандықтың пайдасына шешілді.  Айта кетейік, ATP рейтингінде Бублик 42-ші орында, ал Кублер 102-ші орында.

Ертең, 18 шілдеде өтетін финалда қазақстандық теннисші америкалық Максим Крессимен ойнайды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!